自由行

最近真係有啲懶，週末買吓餸，晚飯後散吓步，好快又一個禮拜。

mama 見今朝早起身又好天，一齊出街晨運同俾我自由行 (冇狗帶)，我一向嘅聽話記錄唔係咁好，如果起街度有其他引誘，跟埋人返屋企都有份！

一路漫步又聞吓啲草有冇寶藏，突然眼前出現目標，mama 點叫都冇用，我一支箭咁走上前同佢聞前聞後，mama 最驚我走出馬路，最後唯有上番狗帶啦！

梗係唔係好 happy look！

魚市場買海鮮半天遊

水塘都滿瀉哂，終於天公同意暫時關咗個水龍頭。 雖然天陰陰，mama 决定去 Fish Market 做噃餐海鮮宴。
咁耐冇出街，梗係有啲興奮啦！

呢度啲魚店除咗賣魚外，仲會即時煮熟你買嘅海鮮，要搵位坐低食海鮮大餐唔容易！
睇吓啲海鷗同 ibis，佢哋係地頭蟲，睇少眼就同你一齊食大餐！





睇吓啲魚真係好新鮮，不過 mama 好冇用，只識食魚柳。

睇吓啲皇帝蟹腳，珍品？

mama 嘅最愛係三文魚，魚店會將整條魚切開，去骨，最後就有兩塊肥美嘅三文魚柳，yummy yummy 剌身。

吞拿魚刺身就冇買，不過買咗生蠔同大蝦，mama 話要返屋企食佢嘅三文魚刺身。

mama 收到投訴話今曰個 blog 見到咁多魚，Charlie 好似失踪咗，嚟張水仙花相，收貨啦！

狗仔百萬行

又係一年一度嘅 RSPCA Million Paws Walk，當然有我份。

著住緣色衫嘅姐姐仔 (啲哥哥仔去哂邊?) 仲有年多就畢業做 Dr. Wendy，佢哋呢一日義務 check 吓我啲靚牙，睇吓我腰圍有冇多餘肥糕！

大隻細隻都嚟行，唔知阿大行一步等於阿細行幾多步呢？

佢果主人真係好有心機同佢上色，要望多兩眼。

睇吓 bow 呔仔個樣好似跑完100公呎競賽咁，熱氣四射，都係企遠啲好！

狗仔百萬行梗係狗仔有份行，點解佢兩個.........？

終於講掂數，可以落地行。

靚靚噴水池。

一路繼續行.......

就嚟行完啦！

我四隻腳仔要投降啦。

無用 Charlie

我同 Dr. Wendy 又有個約會，隻後腳又拐吓拐吓，兩隻眼又有啲 sticky 嘢。我哋 corgi 個 hip 同個 knee 都係頭號煩惱，唯有加啲料落我個晚餐度，Dr. Wendy 仲叫我少啲去後園尋寶，唔好俾啲樹枝樹葉插到隻眼，嘻嘻仲有叫 mama 夜晚瞓覺俾個暖水袋我，very nice。

等緊 Dr. Wendy 時，有個姨姨見到我好開心，原來佢屋企有隻六個月大 corgi，佢問咗老細同 mama 一啲照顧我哋一族嘅問題，佢話同 corgi 買醫療保險要俾多 50% 保費，因爲我哋係 high maintenance 品種，真係皇親國戚要貴啲？


冇得去尋寶，不如玩車仔同波波啦。

我嘅最愛波波！

最鍾意邊架車仔？

梗係越細架越好。