行出行入

mama 呢兩個星期非常之懶，睇網球比賽睇到天昏地暗，差啲連 Dr. Wendy 叫我去打針都唔記得。 Dr. Wendy 話我樣樣嘢都 OK，估唔到可以 keep 住 14.4 kg，mama 仲獎咗塊大骨頭俾我潻。

呢個網門俾我用係非常適合，我可以自由出入，兩面嘅磁石會自動貼番住一齊，又可以阻止啲小形飛行物體入屋，mama 話效果幾好。

呢個係我嘅瞭望台，下面街度有吔風吹草動，我一眼望哂，包冇走雞。

個 view 唔差架，如有需要，我會走出去叫幾聲，"閒狗免進"！

我愛波波 part 2

mama 前兩曰又帶我去狗仔沙灘，真係非常熱鬧，仲見到兩隻 cardigan corgi 學游水，企起水到唔多郁，我估佢哋跟我一樣鍾意返屋企後園踢波多過飲咸水。

嚟睇吓我啲寶貝，估吓邊個係我嘅最愛？
mama :  Charlie 睇你咬到啲波波不似波形，好似越爛越可愛，越好咬口越愛惜，真係唔可以帶你去睇網球比賽，你走咗入埸到追波點算！

同場加送迷人眼神相一張 - "咁好食，快啲分啲俾我食，快啲啦！

奧運公園放放風

呢個場地做奧運時我都未出世，mama 想話嚟呢度啲噴水池玩吓水，點知全部仲放緊聖誕新年大假，搵滴水都冇，激死我！

噴水池冇開就欣賞風景啦，如果可以跳落水游兩吓就 happy 囉，同啲水鳥做吓 friend 都好吖！

呢啲柱上面印哂當年做義工啲人嘅名字。
Charlie : mama 你個名起邉度？
mama : 我去咗做觀眾啲義工咪有嘢做囉，傻仔！

老細快啲嚟捉噃局棋，我做皇帝你做卒啦。