狗仔沙灘

老細同 mama 今日帶我嚟呢個狗仔沙灘玩吓，真係好多大小朋友 起度 relax relax！






睇吓我呢個泳姿幾認真，十足十終點在望。

mama 話我怕整濕條肥尾巴，伸直到好似支倒轉大毛筆咁樣？

真係好好玩，不過我唔得 la，mama 請打道回府。





當我哋預備走時，見到一人一狗在水中央企在一塊滑水板上面，我話起沙灘玩水好過企起塊板度腳震震！

狗仔 friends

mama 話好開心見到第二隻有尾 corgi，仲話我哋可能係表兄弟？

Mr. Mack 住起一個養牛/羊農場裡面，當然佢唔係做佢祖先 N 年前嘅工作牧牛牧羊啦，所以唔怕俾啲牛羊見到條靚尾巴一腳飛過嚟! 睇吓佢個 relax 樣，鬆毛鬆翼咁好似隻細碼獅王!

Marley 真係幾 cute 架 - corgi x border collie，四隻短腳仔 + corgi 大兩碼身形，個樣好 sweet 呀! mama 就嚟俾佢電暈咗！

阿薯天生處變不驚，粒聲唔出，mama 叫我 學習學習，有冇攪錯呀，我把咁雄厚宏亮嘅聲線，啲推銷佬一聽到我把聲就掉頭走，永無失拖。

狗仔公園

自從去完太空探險後 (唔再做太空狗), 今日可以去狗仔公園放吓風啦! 但去到冇耐，mama 就好勞氣，影嚫都係我嘅'虎背熊腰'，我就話係 mama 個相機水皮就真!

走得我幾開心，一陣翻到屋企就好似隻死狗咁!

好啦 mama 今曰到此為止，我冇氣 la !

又到聖誕?

十二月又到啦，係我同 mama, 老細嘅第五個 X'mas，又可以放假呢度去果到去囉！

當然要做噃的氣氛，mama 都讚我今日有啲 camera sense。

要慶祝吓又一個 Jolly Season，所以我好似幾 high 咁？

mama 話我啲笑容 flood 到滿瀉，要儲起噃啲！

I love????

mama 唔知幾時開始呢個愛好，買埋啲差唔多一樣嘅 Tee，當然果件好似 (應該係有啲似) 我個樣嘅唔算數，佢話要教識我 a - z，mama 你真係好得閒。

在旅途上，mama 路過一個 UN 攪嘅活動，見啲 bears 咁得意，話影幾隻俾我睇，邊隻趣緻啲呢？

大畫家作品

mama 話佢個遠遊其實係去"朝聖"??? -  Mona Lisa 係唔係笑得 咁迷人？ Monet 嘅 water lilies 又靚成點?  Van Gogh 嘅 self-portraits 又晝得幾出神入化?
仲有要培養吓我嘅藝術細胞??? 好搞笑!

呢兩幅係 Monet 嘅作品，希望可以吸收到啲奇異力量，咬住支畫筆晝噃幾幅傑作，可能有晝廊老板識貨呢，我咪可以幫補吓家計？

呢兩幅係 Van Gogh 嘅作品，mama 最鍾意 "starry night over the Rhone", 佢話望住幅真品時，同老細話一定要買咗佢， 老細一向都咁聼 mama 話當然話好，hehe 咪去 gift shop 買張複印品就攪掂囉！ 
mama 話幅睡房晝係要 show 我點樣去修拾我間 bedroom，mama 你真係 joking？